Act & Rules

HNATHAWKTUTE TANA HAMTHATNA (6th Amendment)


No. A.3(2)/16-WB (LE&IT): Mizoram Building & Other Construction Workers Welfare Board hi 'Building & Other Construction Workers' (Regulation of Employment & Condition of Service) Act, 1996, tlawh chhana din a ni. Hemi hnuaiah hian Welfare Fund siam niin, chumi atana member nih dan leh hlawkna awm te chu hetiang hian a ni.

Member nih dan:

India khua leh tui diktak kum 18-60 inkar, kumkhat chhunga ni 90 tal inhlawhfate chu member an ni thei a, chungte chu a hnuai a tarlan ang hi a ni.

Contractor emaw midang hnuaia heng hnathawk te:

  • 1. Carpenter (Thing Mistiri)
  • 2. Mason (Lungrem Mistiri)
  • 3. Cement Mistiri
  • 4. Painter (Rawnghnawih)
  • 5. Helper (Construction works)
  • 6. Electrician
  • 7. Wireman
  • 8. Fitter
  • 9. Welder (Thir char)
  • 10. Plumber
  • 11. Iron & Aluminium Work
  • 12. Thirchher
  • 13. Thingzai
  • 14. Balu la
  • 15. Lung la (Quarry-a thawk te)
  • 16. Rora chhu
  • 17. Kawng leh Lei laia inhlawh
  • 18. JCB/Dozer Operator
  • 19. Constructions Machine Operator
  • 20. Construction Driver
  • 21. Leirawhchan siam a inhlawhfate a huam ang.

Amaherawhchu, India ram State/UT Welfare Board hnuaiah in register tawhte erawh a huam lo ang.

Member a nih dawna document thil ngai te:

  • Voter I.D. card photocopy. (Voter I.D. A Date of Birth lang lo te tan piankum lan chianna document dang thilte bawk tur a ni.)
  • Aadhaar Card photocopy (As per Sec 142 of Code on Social Security, 2020)
  • Family Ration Card attested photocopy.
  • Bank Pass Book attested photocopy.
  • Passport size photo 2 copies.
  • Local Council/Village Council leh Branch YMA/YLA/MTP hriatpuina.

Membership Fee ngaizat:

  • Registration Fee ₹25/- a tir a pek a ngai.
  • Thlatin membership tih nun nan ₹10/- pek ziah a ngai a. Amaherawhchu, thlatin pe lovin kumkhat atan ₹120/- pek lawk theih a ni.
  • Membership Fee/Renewal Fee hi kumthum thleng pe lawk duh tan a pek lawk theih.
  • Membership card a thih atanga kum khat (1 Year) ral hma ngei a renew thin tur a ni. (As per Sec 17 of BOCW (RECS) Act, 1996)

Member tana hamthatna awm thei te:

1. Member Hmeichhia tan bik:

Member hmeichhia chu nau neih lawmpuina ₹5,000/- (sangnga) pek a ni ang a, member anih atanga fa pahnih a neih thleng a huam ang. Nau neih atanga thlaruk (6 month) chungin dil theih a ni ang.

2. Pension pangngai leh ramtuileilo avanga Pension:

  • Member chu kum 60 atlin hunah thlatin pension ₹1,000/- (Sangkhat) pek a ni ang a, Kumtin April thla apiangin Life Certificate (a la dam ngei ani tih hriatna lehkha) an thehlut thin tur a ni. Amaherawhchu, Pension tur in kumthum (3 years) tal member nih a ngai thung. (As per Sec 107(2) of Code on Social Security, 2020)
  • Member chu kum 60 a tlin hmaa hliam avang emaw natna khirh tak emaw avanga hnathawk thei tawh lo (Medical Board-in disability 40% a pek chin) anih chuan thlatin Pension ₹1,000/- (Sangkhat) pek a ni ang a, a dinhmun a zirin ₹50,000/- (Singa) thlenga tanpuina pek theih a ni ang.
  • Member Pension la mek a boral chuan a aiah a nupui hnenah thlatin Pension lak mek zahve (50%) pek chhunzawm theih a ni ang.

3. Thihna chungchanga hamthatna awm theih:

Member hnathawhna hmuna chetsual avanga boralte chu ₹3,00,000/- (nuaihthum) thleng pek theih a ni a, an hnathawhna kaihhnawih ni lo leh chhan dang avanga boral an nih chuan ₹1,00,000/- (Nuaikhak) pek theih a ni thung ang. Thlatin a ₹10/- alo thawn tawh tlingkhawm kha pek leh a ni ang. Member boralte chu a vuina senso tanpuina atan ₹5,000/- (sangnga) pek theih a ni.

Amaherawhchu a boral hmaa a chungte tanpuina dawng tur mumal tak a siamsa loh chuan a hnuaia mi ang hian tanpuina chu pekchhuah mai tur a ni:

  1. A Nupui/Pasal
  2. Kumtling lo a fapa/fanu
  3. An fate nupui/pasal la nei lo (upa ber)
  4. Member boral ta nu leh pa In khata a chenpuite
  5. An fanu pasal then tawh/sun tawh
  6. A monu pasal sun tawh/then tawh.

Member boral atanga thlaruk (6 month) chungin dil tur a ni.

4. Nupui/pasal neih chungchangah hlawkna awmte:

  • Member kumthum lai nitawh tan nupui emaw pasal a neihna hmasa berah ₹5,000/- (sangnga) a lawmpuina pek theih a ni ang.
  • Member kum thum lai nitawh fate pahnih tan an nupui/pasal neihna hmasa berah ₹5,000/- (sangga) a lawmpuina pek theih a ni ang. Nupui/pasal inneih atanga thlaruk (6 month) chungin dil tur a ni a, dilnaah hian inneih thlalak thilte tur ani.

5. Dam loh leh chetsual tawh palha hamthatna awmte:

  • Member chu chetsual avang emaw natna khirh tak tawk a, Damdawi Ina dah luh a nih chuan a luh ni atanga chhiarin nitin ₹1,000/- (sangkhat) zel a dawng thei ang. Amaherawhchu, a dawn zawng zawng hian kumkhat chhungin ₹50,000/- (singnga) a pel tur a ni lo.
  • Chronic Diseases (Cancer,Chronic Renal failure, Cerebrovascular Accident/Stroke, Heart Disease with Surgical intervention) vei memberte an inenkawlna senso atan ₹1,00,000/- (Nuai khat) pek theih a ni. Hei lo one time payment tur niin, hemi bakah medical benefit, Board in a kalpui pangai pawh an la tel thei ang.

Damdawiin chhuah atanga thlaruk (6 months) chhungin dil tur a ni.

6. Member fate tana hamthatna awm theihte:

Member fate pahnih tan kumtin an lehkha zirna senso tanpui hian hetiang hian pek theih an ni:

  • KG-I - Class XII zirlai leh a tlukpui Vocational course (Minimum 1 Year) zirlaite tan pakhat zel ah ₹3000/- (Sangthum)
  • Under Graduate/Post Graduate leh a tlukpui vocational course (Minimum 1 Year) zirlaite tan pakhat zel ah ₹5,000/- (sangnga).
  • MBBS/Engineering Course zirlai te leh Post graduates hnu a zirbelh Researchers/PhD scholars te tan pakhat zel ah ₹10,000/- (Singkhat)

Member fate pahnih tan Board viz HSLC, HSSLC leh Class X a top 10-ah tling chinte chu pakhat ah ₹50,000/- (singnga) a lawmpuina pek theih a ni ang. Educational Assistance dil hun chung hi kumtin April-November a ni ang a, Beneficiaries te account ah DBT kaltlangin thu zel tur a ni ang.

7. Skill Development:

Memberte leh an fate tan thiamthil (Skill Development) Welfare Board in a empanelled Training Providers-te hnuaiah Course chi hrang hrang zir theih a ni ang.(As per Sec 112 of Code on Social Security, 2020)

Download Workers Mobile Application